گئت گولوم
گئت گولوم گئت منه سن جان اولاسان ایسته میرم
عشوه لی سویگلی جانان اولاسان ایسته میرم
بیرده گوز یاشی توکوپ کویوه گلمه م گوزه لیم
گروب احوالیمی خندان اولاسان ایسته میرم
بیوفالیقدا بوتون عالمه مشهور اولدون
سن اگر حوری قیلمان اولاسان ایسته میرم
ورمیسان سینه مه مین یاره کفایتدی منه
بو سنق قلبیمه درمان اولاسان ایسته میرم
بیوفاسان دگیلم راضی اولندن صورادا
قبریمون اوسته نگهبان اولاسان ایسته میرم
پیس گونومده منی سالدون نظریندن گئتدون
یاخشی گونده منه مهمان اولاسان ایسته میرم
+ نوشته شده در شنبه هشتم مهر 1385ساعت 14:7 توسط سعيد
|
